संयम

संयम ठेवा, रडणारे मनही हसते
 फक्त अंधारमय रात्रच नसते

 कधी प्रकाशाची साथही असते
 प्रकाशात तार्‍यांची आसही बसते

 रंगीबेरंगी स्वप्नांचा ऋतूही येतो
 प्रयत्नांनी उन्नतीचा ध्यासही घेतो

 यशस्वी जीवनाचा डोंगर चढतो
 मग, छोट्या अपयशाने का रडतो...?

 निर्णय चुकल्यास आयुष्य बदलून जातं
कमावलेलं सर्व भूतकाळात राहतं

विस्कटून जातं, गुंतलेल्या भावनांचं नातं
प्रश्न कळत नाही, उत्तर मात्र चुकत जातं

दाखवणाऱ्याला मात्र वाट माहीत नसते
चालणाऱ्याचे ध्येय हरवून जाते

अनुभव म्हणजे काय तेव्हाच कळते
जेव्हा एखादी ठेच काळजाला लागते

संयमाने पुढे जायचे, भूतकाळ मागे सोडून
स्वतःला सावरायचे, स्वप्नांना सोबत घेऊन...